ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂᑦ ᐊᒻᒪᓗ ᔭᓗᓇᐃᕝᒥᑦ ᒪᑐᓯᒪᔪᑦ ᓇᔫᑎᓗᑎᒃ ᐱᔨᑦᑎᕋᖅᑕᐅᔪᓐᓇᙱᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖅᑐᑦ ᐊᖏᕐᕋᒥᖕᓂᒃ. ᐅᖄᓚᓗᑎᑦ 1 (800) 661-0792 ᑐᕌᖅᑎᑕᐅᓂᐊᖅᐳᑎᑦ ᐱᔨᑦᑎᕋᖅᑎᒧᑦ. ᐅᖃᐅᓯᕆᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᕐᔪᐊᕐᓃᑦ, ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ WSCC Connect.

ᐃᖅᑲᓇᐃᔭᕐᕕᒻᒥ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓂᕐᓗ ᓇᒻᒥᓂᕆᔭᐅᔪᓄᑦ ᒥᑭᓐᓂᖅᓴᓄᑦ

ᓇᒻᒥᓂᕆᔭᐅᔪᓕᒫᑦ, ᖃᓄᑎᒋ ᐊᖏᑎᒋᑉᐸᑕᓘᓐᓃᑦ, ᐊᑦᑕᕐᓇᙱᑦᑐᒦᑎᑦᑎᔭᕆᐊᓖᑦ ᐊᐅᓚᓂᖃᕐᓗᑎᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ ᒪᓕᓪᓗᑎ ᐊᒻᒪ  ᐃᖅᑲᓇᐃᔭᕐᕕᒻᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓂᕐᒧᓪᓗ  ᒪᓕᒋᐊᓕᓐᓂ.

ᑖᒃᑯᐊ ᐃᓚᒋᓪᓗᓂᒋᑦ:

  • ᐋᖅᑭᒃᓱᐃᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᐊᑦᑕᕐᓇᙱᑦᑐᓂ ᐱᓕᕆᔾᔪᓯᕐᓂ, ᐊᒻᒪ
  • ᐃᖅᑲᓇᐃᔭᖅᑎᓂ ᐃᓕᓐᓂᐊᖅᑎᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ.

ᐃᖅᑲᓇᐃᔭᖅᑎᖁᑎᑎ ᖃᐅᔨᒪᔭᕆᐊᓖᑦ ᖃᓄᐃᓕᐅᕆᐊᕐᒪᖔᑦ ᑐᐊᕕᕐᓇᖅᑐᖃᖅᑎᓪᓗᒍ, ᐊᒻᒪ ᐱᕙᒌᔭᖅᓯᒪᔭᕆᐊᖃᖅᑐᑎ ᒪᓕᒋᐊᓕᓐᓂᓪᓗ ᐋᖅᑭᒃᓱᐃᓯᒪᓗᑎ ᐊᑦᑕᕐᓇᖅᑐᒦᖁᓇᒋᑦ.

ᐃᖅᑲᓇᐃᔭᕐᕕᒻᒥ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑐᒦᑦᑕᐃᓕᒪᓂᕐᓗ ᐅᖃᓕᒫᒐᕋᓛᖅ ᒥᑭᓐᓂᖅᓴᓄᑦ ᓇᒻᒥᓂᕆᔭᐅᔪᓄᑦ

ᐅᖃᓕᒫᒐᕋᓛᖅ ᓇᓗᓇᐃᖅᓯᕗᖅ ᖃᓄᖅ ᐋᖅᑭᒋᐊᖅᓯᔪᓐᓇᕐᒪᖔᖅᐱᑦ ᐱᓕᕆᐊᕆᔭᕐᓂ ᐃᓚᖃᖅᑐᓂᓗ ᐆᑦᑑᑎᒋᔭᐅᔪᓐᓇᖅᑐᓂ ᐊᒻᒪ ᑎᑎᕋᕐᕕᐅᔪᓐᓇᖅᑐᓂ ᐋᖅᑭᒃᓯᒪᕙᒌᖅᑐᓂ ᐃᕝᕕᑦ ᐋᖅᑭᒋᐊᕈᓐᓇᖅᑕᖏᓐᓂ ᓇᒻᒥᓂᖁᑎᒋᔭᕐᓄ.