ᓄᕙᒡᔪᐊᕐᓇᖅ-19

ᖃᓄᐃᖏᑦᑎᐊᕐᓃᑦ ᐊᒻᒪᓗ ᐊᑦᑕᕐᓇᕐᑕᐃᓕᒪᓃᑦ ᓯᕗᓪᓕᐅᑎᓯᒪᔭᕗᑦ. ᐃᑲᔫᑎᖃᕋᓱᒃᓗᒍ ᐊᐃᑦᑐᕐᓯᑦᑕᐃᓕᒪᓂᕐᒧᑦ ᓄᕙᒡᔪᐊᕐᓇᖅ-19 (COVID-19) ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᔪᑦ ᐳᓛᕆᐊᕐᑐᓄᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19 ᒪᒃᐱᖓᖏᑦ ᐱᓪᓚᕆᐅᔪᓂᒃ ᐱᔨᓯᕐᓂᕐᒧᑦ ᑐᓴᒐᒃᓴᐅᔪᓂᒃ ᐊᒻᒪᓗ ᑕᑯᔭᒃᓴᖑᕐᑎᓐᓇᓱᒃᓗᒍ ᐅᓗᕆᐊᓇᕐᓂᖓᓂᒃ ᖃᐅᔨᓴᕐᓂᖅ ᐊᒻᒪᓗ ᐃᖅᑲᓇᐃᔭᕐᕖᑦ ᐅᔾᔨᕐᓴᕆᐊᖃᕐᓂᖅᒥᒃ ᐃᖅᑲᓇᐃᔭᕐᑎᑦᑎᔪᓄᑦ.

ᐅᓗᕆᐊᓇᙱᑦᑐᒦᓐᓂᖅ ᐃᖅᑲᓇᐃᔭᕐᕕᒃᒥᑦ ᐊᒻᒪ WSCC-ᑯᑦ ᐱᔨᑦᑎᕋᐅᑎᖏᑦ ᓄᑖᖑᓛᑦ

ᐅᓗᕆᐊᓇᙱᑦᑐᒦᓐᓂᖅ ᐃᖅᑲᓇᐃᔭᕐᕕᒃᒥᑦ ᐊᒻᒪ WSCC-ᑯᑦ ᐱᔨᑦᑎᕋᐅᑎᖏᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐱᓕᕆᖃᖅᑐᑦ ᐱᓕᕆᖃᑎᑦᑎᓐᓂᒃ ᑲᔪᓯᓇᓱᒃᖢᑕ ᐃᖅᑲᓇᐃᔭᖅᑎᓄᑦ ᐱᔭᐅᔭᕆᐊᓕᖕᓄᑦ, ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ. ᑕᒪᕐᒥ ᐱᔨᑦᑎᕋᐅᑎᑦ ᐋᖅᑭᒋᐊᖅᑕᐅᕙᓪᓕᐊᔪᑦ ᐅᕘᓇ ᓴᖅᑭᔮᖅᑎᑕᐅᑲᑕᖕᓂᐊᖅᑐᑦ ᐊᑐᐃᓐᓇᐅᓕᑐᐊᕌᖓᑕ.

• ᑐᓴᒐᒃᓴᖅ ᐃᖅᑲᓇᐃᔭᖅᑎᑦᑎᔨᓄᑦ
• ᑮᓇᐅᔭᖅᑖᕋᓱᒃᑐᓄᑦ ᑐᓴᒐᒃᓴᑦ
• ᐃᖅᑲᓇᐃᔭᖅᑎᓄᑦ ᑐᓴᒐᒃᓴᑦ
• ᑐᓴᒐᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᑎᖃᖅᑎᑦᑎᔨᓂᒃ ᐊᒻᒪ ᓂᐅᕕᐊᒃᓴᓕᖕᓂᒃ
• ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᐅᔪᓐᓇᖅᑐᑦ

ᐱᖁᔨᕗᒍᓪᓕ ᐃᖅᑲᓇᐃᔭᕐᕕᐅᔪᓕᒫᑦ ᐊᒻᒪ ᐃᖅᑲᓇᐃᔭᖅᑎᓕᒫᑦ ᒪᓕᑦᑎᐊᖁᓪᓗᑎᒍᑦ ᖃᓄᐃᓕᐅᕈᑎᐅᖁᔭᐅᔪᓂᒃ ᐊᖓᔪᖅᑳᓄᑦ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᑕᒪᐃᓐᓂ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ, ᐊᒻᒪᓗ ᑲᓇᑕᒥ ᐋᓐᓂᐊᖃᕐᑕᐃᓕᓂᕐᒧᑦ ᒪᓕᒋᐊᓕᖕᓂ, ᐊᒃᑐᖅᑕᐅᓂᑰᙱᒃᑲᓗᐊᖅᐸᑕ ᐊᒃᑐᖅᑕᐅᓂᑰᒍᑎᒡᓘᓐᓃᑦ ᓄᕙᒡᔪᐊᕐᓇᖅ-19-ᒧ (ᑯᕈᓇ ᐋᓐᓂᐊᕐᓇᖅᑐᖅ) ᓄᓇᖏᓐᓂ. ᐃᓱᒪᓕᐅᕆᓗᓯ ᒪᓕᒃᑐᓂᒃ ᑭᖑᓕᖅᐹᓂᒃ ᑐᓴᒐᒃᓴᓂᒃ ᐊᒃᑐᐊᔪᓂᒃ ᖃᐅᓗᔨᓴᕐᓂᕐᒧᑦ, ᐊᐃᑦᑐᖅᓯᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ, ᐱᓕᕆᐊᖑᔪᑦ ᒪᑐᔭᐅᔭᕆᐊᖃᕐᓂᖓᓂᒃ, ᐊᑐᒻᒪᕆᒃᑐᑦ ᐱᔨᑦᑎᕋᐅᑎᓂᒃ, ᐃᓄᑑᔪᒦᑦᑕᕆᐊᖃᕐᓂᕐᒥᒃ, ᐃᓅᖃᑎᒥᑦ ᐅᖓᓯᒃᓴᕆᐊᖃᕐᓂᕐᒥᒃ ᐊᒻᒪ ᐊᐅᓪᓚᑲᑕᖕᓂᕐᒥᒃ.

​• ᓄᓇᑦᓯᐊᕐᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ
• ᓄᓇᕗᒻᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
• ᑲᓇᑕᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔩᑦ ᑲᓇᑕᒥ


ᑐᓴᒐᒃᓴᖅ ᐃᖅᑲᓇᐃᔭᖅᑎᑦᑎᔨᓄᑦ

ᐊᖏᖅᑕᐅᓯᒪᔭᕆᐊᖃᖅᐳᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ ᓇᖕᒥᓂᖅ ᐱᓕᕆᐊᖃᓕᕐᓂᐊᕐᓗᖔ? ᐋᒃᑲ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᖏᖅᑕᐅᔭᕆᐊᖃᙱᑦᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ ᐱᓕᕆᐊᕆᔭᐃᑦ ᒪᑐᐃᕐᓂᐊᕈᒪᓗᒍ ᐅᓇ ᐊᖓᔪᖅᑳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ (OCPH) ᓴᓇᕝᕕᐅᔪᑦ ᓴᓇᕝᕕᐅᔪᓐᓇᖅᑎᑉᐸᖏᑦ ᐃᓚᒋᔭᐅᓪᓗᓂ ᓄᓇᑦᓯᐊᕐᒥ ᓴᖅᑭᒃᑲᓐᓂᕐᓂᖅ ᐃᓱᒪᖃᑦᑎᐊᕐᓂᒃᑯᑦ ᐸᕐᓇᐅᑎᓂᒃ. 

ᐃᖅᑲᓇᐃᔭᖅᑎᑦᑎᔨᐅᔪᑦ ᑕᒪᕐᒥᒃ ᑲᒪᒋᔭᖃᖅᑐ ᐃᖅᑲᓇᐃᔭᕐᕕᐅᔪᑦ ᐋᓐᓂᐊᖃᕐᓇᙱᓪᓗᑎᒃ ᐊᒻᒪ ᐅᓗᕆᐊᓇᙱᓪᓗᑎᒃ ᐅᕘᓇ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅᑎᒍᑦ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᑎᒍᑦ. ᑲᒪᒋᔭᖃᕐᓂᖅ ᑕᐃᒪᓐᓇ ᐊᓯᔾᔨᙱᑦᑐᖅ. 

ᒪᓕᖁᔭᐃᔪᓂᒃ ᐅᑯᓇᙶᖅᑐᓂᒃ ᐊᖓᔪᖅᑳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ, ᐃᖅᑲᓇᐃᔭᖅᑎᑦᑎᔨᐅᔪᑦ ᐱᖃᕆᐊᖃᖅᑐᑦ ᐃᒪᐃᑦᑐᒥ ᐊᒃᑐᐃᔭᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᐊᑐᖅᑐᓂᒃ ᒪᑐᐃᓚᐅᙱᓐᓂᖏᓐᓂᒃ ᐅᓗᕆᐊᓇᙱᑦᑐᒥ ᐱᓕᕆᐊᖏᓐᓂᒃ ᐊᐅᓚᑦᑎᔪᓐᓇᕐᓂᐊᕐᒪᑕ. ᐅᓇ ᐸᕐᓇᐅᑎ ᐃᓚᖃᖅᑐᖅ ᐊᑦᑕᓇᖅᑐᓂᒃ ᖃᐅᔨᓴᐃᓂᕐᒧᑦ ᑕᑕᑎᕆᐊᓖᑦ ᐊᑐᐃᓐᓇᐅᔪᑦ ᐅᕙᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᓴᖅᑭᔮᒐᖓᓂ.

  • ᐃᖅᑲᓇᐃᔭᖅᑎᑦᑎᔨᐅᔪᖅ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᑲᒪᔨ ᐱᐊᓂᒃᓯᔭᕆᐊᖃᖅᑐᖅ ᓄᕙᒡᔪᐊᕐᓇᖅ-19 ᐊᑦᑕᓇᖅᑐᓂᒃ ᖃᐅᔨᓴᐃᓂᕐᒥ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐅᔾᔨᕐᓱᕈᑎᐅᔭᕆᐊᖃᖅᑐᓂᒃ ᐃᖅᑲᓇᐃᔭᕐᕕᓕᒫᒧᑦ.
  • ᐃᖅᑲᓇᐃᔭᖅᑎᐅᔪᑦ ᐱᐊᓂᒃᓯᔭᕆᐊᖃᖅᑐᑦ ᓄᕙᒡᔪᐊᕐᓇᖅ-19 ᐃᖅᑲᓇᐃᔭᕐᕕᖕᒥᑦ ᐊᑦᑕᓇᖅᑐᓂᒃ ᖃᐅᔨᓴᐃᓂᕐᒥ ᒪᓕᒡᓗᑎᒃ ᐃᖅᑲᓇᐃᔭᖅᑎ ᑭᓱᓕᕆᔨᐅᖕᒪᖔᑦ ᐅᕝᕙᓘᓐᓃᑦ ᐱᓕᕆᐊᒃᓴᑎᒍᑦ.

ᐃᖅᑲᓇᐃᔭᖅᑎᑦᑎᔨᐅᔪᑦ ᑐᓂᓯᙱᑦᑐᓐᓇᖅᑐᑦ ᐱᐊᓂᒃᓯᒪᔭᖏᓐᓂᒃ ᐊᒃᑐᐃᔭᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.  ᑭᓯᐊᓂᓕ, ᐱᓯᒪᔭᕆᐊᖃᖅᑕᖏᑦ ᖁᐊᕐᓵᕐᓇᖅᑐᒦᑦᑕᐃᓕᓂᕐᒧᑦ ᐸᕐᓇᐅᑎᖏᓐᓂᒃ ᐊᒻᒪᓗ ᐱᔭᐅᔪᒪᒃᐸᑕ ᐊᑐᐃᓐᓇᐅᓗᑎᒃ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᖃᐅᔨᓴᖅᑎᖏᓐᓄᑦ.  

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᕐᑎᒥᒃ ᐃᑲᔪᕐᑕᐅᔪᒪᒍᕕᑦ ᑎᑎᕋᕋᓱᒃᓗᒍ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᐅᕙᓘᓐᓃᑦ ᐃᖃᓇᐃᔭᕐᕕᖕᒧᑦ ᐅᓗᕆᐊᓇᕋᔭᕐᑐᓂᒃ ᖃᐅᔨᓴᕐᓂᕐᒧᑦ, ᖃᕋᓴᐅᔭᒃᑯᑦ ᑎᑎᕋᕐᓗᑎᒃ ᐅᕗᖓ Covid-19@wscc.nu.ca.

ᓄᕙᒡᔪᐊᕐᓇᖅ-19 ᐊᑦᑕᓇᖅᑐᓂ ᖃᐅᔨᓴᕐᓂᖅ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐅᔾᔨᕐᓱᕆᐊᓕᖕᓄᑦ ᑎᑎᕋᕐᕕᒃᓴᖅ  – ᐃᖅᑲᓇᐃᔭᖅᑎᑦᑎᔨᐅᔪᑦ ᐱᓕᕆᐊᖃᕆᐊᖃᖅᑐᑦ ᐊᐃᑦᑐᕐᓯᑦᑕᐃᓕᑎᑦᑎᓂᕐᒥᒃ ᓄᕙᒡᔪᐊᕐᓇᖅ-19-ᒥ. ᐅᓇ ᖃᕋᓴᐅᔭᒃᑯᑦ ᐱᓕᕆᔾᔪᑎ ᐱᓕᕆᐊᕆᓗᒍ, ᐊᑐᕐᓗᒋᓪᓗ ᐊᔪᕈᓐᓃᕐᓴᖅᑎᑦᑎᓗᑎᑦ ᐃᖅᑲᓇᐃᔭᖅᑎᓂᒃ, ᐊᑐᓕᖅᑎᑦᑎᓗᑎᒃ ᒪᓕᖁᔭᐃᓯᒪᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᓂᒃ, ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᑎᑎᖃᖁᑎᖕᓄᑦ. ᐅᓇ ᐸᕐᓇᐅᑎᒃᑯᑦ ᐱᒻᒪᕆᐅᔪᖅ ᐃᖅᑲᓇᐃᔭᖅᑎᐅᔪᑦ ᐅᓗᕆᐊᓇᖅᑐᒦᖁᓇᒋᑦ.

ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᐅᔪᓐᓇᖅᑐᑦᐅᕙᓂ ᖃᐅᔨᒋᐊᕐᓗᑎᑦ ᐃᑲᔫᑎᐅᔪᓐᓇᖅᑐᑦ ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᐃᖅᑲᓇᐃᔭᖅᑐᓄᑦ ᐅᓗᕆᐊᓇᙱᑦᑐᒦᕐᓂᕐᒧᑦ. ᐅᓇ ᓄᕙᒡᔪᐊᕐᓇᖅ 19 ᐱᕙᓪᓕᐊᑎᓪᓗᒍ, ᐃᑲᑎᐅᔪᓐᓇᖅᑐᑦ ᐃᓚᒋᐊᖅᑕᐅᖃᑦᑕᕐᓂᐊᕐᑐᑦ.

ᐃᖅᑲᓇᐃᔭᖅᑎᐅᑉ ᐊᑭᓕᕐᓱᐃᒍᑎᖏᓐᓂᒃ ᖃᐅᔨᓴᕐᓂᖅ – ᐃᖅᑲᓇᐃᔭᖅᑎᐅᑉ ᐊᑭᓕᕐᓱᒐᒃᓴᖏᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect. ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᑎᑎᕋᕐᕕᒋᓗᒋᑦ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓕᕆᔨᓄᑦ

ᐊᑭᓕᕐᓱᐃᒍᑎᒃᓴᓂᒃ ᑭᖑᓪᓕᖅᐹᖅ ᐊᑭᓕᕐᕕᒃᓴᖅ – ᐱᒋᐊᕐᓗᓂ ᐊᐃᕐᕆᓕ 1, 2020, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑭᖑᕙᕐᓂᕐᒧᑦ ᐊᑭᓕᐅᑎᒃᑲᓐᓂᕐᓂᒃ ᐊᑐᕈᓐᓃᖅᑎᑦᑎᓯᒪᔪᑦ ᐊᒻᒪᓗ ᐅᖓᕙᕆᐊᕐᓯᒃᑲᓐᓂᕐᖢᑎᒃ ᐊᑭᓕᕐᓱᐃᒍᑎᒃᓴᓂᒃ ᑭᖑᓪᓕᖅᐹᖅ ᐊᑭᓕᕐᕕᒃᓴᒥᑦ ᐅᕗᖓ ᐋᒡᒌᓯ, 2020 ᒧᑦ.

ᖃᓄᕐᓕ ᐊᓯᙳᖅᑎᑦᑐᓐᓇᖅᐸᕋ ᐊᑭᓕᕐᓱᖅᑕᐅᕙᓪᓕᐊᔪᓅᕋᔭᙳᐊᖅᑐᓂᒃ? – ᐊᑭᓕᕐᓱᖅᑕᐅᒍᑎᒃᓴᐅᓇᔭᖅᑐᑦ ᐃᓱᒪᒋᔭᐅᔪᑦ ᑐᓂᔭᐅᔪᓐᓇᖅᑐ ᐊᓯᙳᖅᑕᐅᔪᓪᓘᓐᓃᑦ ᐅᑯᑎᒎᓇᖅ WSCC Connect. ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᑎᑎᕋᕐᕕᒋᓗᒋᑦ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓕᕆᔨᓄᑦ.

ᑮᓇᐅᔭᖅᑖᕋᓱᒃᑐᓄᑦ ᑐᓴᒐᒃᓴᑦ

ᑮᓇᐅᔭᖅᑖᕈᑎᓄᑦ ᐊᑭᓕᐅᑎᒃᓴᑦ ᐋᓐᓂᕐᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᑲᔪᓯᓂᐊᖅᑐᖅ ᐋᖅᑭᒃᓯᒪᓂᖏᑦᑎᒍᑦ. ᑭᓇᑐᐃᓐᓇᖅ ᑮᓇᐅᔭᒃᓴᑎᒍᑦ ᐊᑭᓕᕐᓱᖅᑕᐅᕙᒃᑐᖅ ᐱᓇᓱᖁᒐᓗᐊᖅᐸᕗᑦ ᖃᕋᓴᐅᔭᒃᑯᑦ ᑮᓇᐅᔭᖅᑖᖅᑎᑕᐅᒍᓐᓇᕐᓯᒍᑎᓂᒃ. ᐅᑯᐊ ᖃᕋᓴᐅᔭᒃᑰᖓᔪ ᑕᑕᑎᕆᐊᓖᑦ ᐱᐊᓂᒡᓗᒋᑦ ᐊᒻᒪ ᐱᓕᕆᔨᒋᕙᒃᑕᐃᑦ ᖃᐅᔨᑎᓪᓗᒍ ᑕᐃᒪᐃᑦᑐᒪᒍᕕᑦ.

ᐃᖅᑲᓇᐃᔭᖅᑎᓄᑦ ᑐᓴᒐᒃᓴᑦ

ᐅᓂᒃᑳᓕᐅᕐᓂᖅ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑭᐅᕙᒃᑐᑦ ᑕᒪᐃᓐᓂ ᐅᓂᒃᑳᓕᐊᓂᒃ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ; ᑭᓯᐊᓂᓕ, ᐃᒪᓐᓇ ᐅᓂᒃᑳᓯ ᐅᕘᓈᖅᑎᑉᐸᒡᓗᒋᑦ WSCC Connect. ᖁᐊᕐᓵᕐᓇᓪᓚᕆᒃᑐᒥ ᐅᓂᒃᑳᓕᐅᕐᑐᖃᖅᐸᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᖃᐅᔨᓇᓱᒐᔭᖅᑐᑦ ᖁᐊᕐᓵᕐᓇᕐᓂᖓᓂᒃ ᐊᒻᒪ ᖃᐅᔨᓴᖅᑎᒥ ᐅᐸᒃᑕᐅᔭᕆᐊᖃᕐᒪᖔᑦ ᐅᕝᕙᓘᓐᓃᑦ ᐊᓯᐊᒍᖔᖓᔪᓐᓇᕈᑎ ᐅᖓᓯᒃᑐᒥ ᐃᑲᔪᕈᓐᓇᕋᔭᖅᖢᑕ.

ᑮᓇᐅᔭᖅᑖᕋᓱᖕᓂᖅ ᐊᒃᑐᐊᔪᓄᑦ ᓄᕙᒡᔪᐊᕐᓇᖅ-19-ᒧᑦ – ᐋᓐᓂᐊᕈᑎᐅᕙᒃᑐᑦ ᐊᐃᑦᑐᕐᓯᒍᑎᐅᔭᑦᑐ ᒪᑯᐊ ᖃᐅᑕᒫᑦ ᖃᓄᐃᓕᐅᕐᐸᓪᓕᐊᓂᕐᒨᖓᔪᑦ ᐊᒻᒪᓗ ᐃᓄᖕᓂᒃ ᖃᓂᒋᔭᖃᖃᑦᑕᕐᓂᕐᒧᑦ, ᑭᓯᐊᓂᓕ ᓄᕙᒡᔪᐊᕐᓇᖅ 19-ᒥᑦ ᐊᐃᑦᑐᖅᑕᐅᓯᒪᓇᓱᒋᒍᕕᑦ ᐃᖅᑲᓇᐃᔭᕐᕕᖕᓄᑦ ᐅᕗᖓ ᐅᖄᓚᓗᑎ 1-800-661-0792 ᐅᕝᕙᓘᓐᓃᑦ ᖃᕋᓴᐅᔭᒃᑯ ᑎᑎᕋᕐᓗᓯ ᑮᓇᐅᔭᖅᑖᕋᓱᒡᕕᑦᑎᓐᓄᑦ ᐃᓚᖃᕐᓗᒍ ᐱᐊᓂᒃᓯᒪᔪᓂᒃ ᐃᖅᑲᓇᐃᔭᖅᑎᐅᑉ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᑯᒧᑦ ᐅᓂᒃᑳᓂᒃ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐃᓱᒪᓕᐅᕆᓇᔭᕐᑐᑦ ᖃᓄᖅ ᑮᓇᐅᔭᖅᑖᕋᓲᑎ ᐊᒃᑐᐊᖕᒪᖔᑦ ᐃᖅᑲᓇᐃᔮᒧᑦ, ᑕᐃᒪᐃᒃᑯᓂ, ᖃᓄᐃᑦᑐᓂᒃ ᑮᓇᐅᔭᖅᑖᖅᑎᑕᐅᖃᑦᑕᕋᔭᕐᒪᖔᑦ ᖃᓄᐃᓕᒍᑎ ᒪᓕᒡᓗᒍ.

ᑐᓴᒐᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᑎᖃᖅᑎᑦᑎᔨᓂᒃ ᐊᒻᒪ ᓂᐅᕕᐊᒃᓴᓕᖕᓂᒃ

ᖃᕋᓴᐅᔭᒃᑯᑦ ᐊᑭᓕᐅᑎᒃᓴᑦ – ᑭᖑᕙᖁᓇᒋ ᑮᓇᐅᔭᖅᑖᕆᒐᔭᖅᑕᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑖᕐᕕᐅᕙᒃᑐᓂᒃ ᖃᕋᓴᐅᔭᒃᑯ ᑮᓇᐅᔭᓂᒃ ᓇᒡᓯᐅᔾᔨᒍᑎᓂ ᐊᑐᖁᔨᓪᓗᑎᒃ ᒪᑯᓂᖓ ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐊᔪᙱᒃᑯᑎᒃ. ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐱᕕᖃᕈᑎᐅᔪᓐᓇᖅᑐᖅ ᑭᖑᕙᕐᓯᒪᙱᑦᑐᓂᒃ ᑮᓇᐅᔭᒃᑯᕕᖕᒧᐊᑲᐅᑎᒋᓂᕐᒧᑦ ᐊᑭᓕᐅᑎᒃᓴᓂᒃ, ᐊᒻᒪᓗ ᐊᒃᑐᐃᒍᑎᖃᓐᓇᙱᓐᓂᕐᓴᐅᓪᓗᓂ. ᐅᕙᑦᑎᓐᓄ ᐅᖄᓚᓗᓯ ᐅᕗᖓ (867) 920-3888 ᖃᕋᓴᐅᔭᒃᑯᓪᓘᓐᓃᑦ ᑮᓇᐅᔭᓕᕆᔨᒃᑯᓐᓄᑦ ᑎᑎᕋᓗᓯ ᖃᕋᓴᐅᔭᒃᑯᑦ ᑮᓇᐅᔭᖅᑖᕈᑎᒃᓴᓂᒃ ᑕᑕᑎᕆᐊᓕᖕᓂᒃ. ᐅᓇᑦᑕᐅᖅ ᖃᕋᓴᐅᔭᒥᑦ ᓴᖅᑭᑎᑦᑐᓐᓇᖅᑕ ᖃᕋᓴᐅᔭᒃᑯᑦ ᑕᑕᑎᕆᐊᓕᒃ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑐᓴᐅᒪᑎᑦᑎᖃᑦᑕᕐᓂᐊᖅᑐᑦ ᓄᑖᓂᒃ ᓴᖅᑭᑦᑐᖃᕌᖓᑦ. ᐊᐱᖅᑯᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᓄᓇᑦᓯᐊᕐᒥ ᐅᖄᓚᕕᒋᓗᒋᑦ ᐅᕗᖓ (867) 920-3888, ᐊᑭᖃᙱᑦᑐᒧᑦ (800) 661‑0792 ᐅᕝᕙᓘᓐᓃᑦ ᓄᓇᕗᒻᒥ (867) 979-8500, ᐊᑭᖃᙱᑦᑐᒧᑦ (877) 404-4407, 8:30-ᒥᑦ 5:00‑ᒧᑦ ᐅᓪᓗᒃᑯᑦ.