ᐃᓐᓇᓵᑦ ᐃᖅᑲᓇᐃᔭᖅᑏᑦ ᐱᓕᕆᐊᑦᓴᖅ

ᐃᖅᑲᓇᐃᔭᖅᑏᐅᕙᑦᑐᑦ ᐊᕐᕌᒍᓖᑦ ᑐᖔᓂ 25 ᐃᓱᒪᒋᔭᐅᕙᑦᑐᑦ ᐃᒫᒃ “ᐃᓐᓇᓵᑦ ᐃᖅᑲᓇᐃᔭᖅᑏᑦ”, ᐊᒻᒪ ᐅᓗᕆᐊᓇᖅᑐᒦᓐᓂᕐᓴᐅᕙᑦᑐᑎᒃ ᐱᕐᕈᓗᐊᕿᒐᔭᕐᓂᕐᒥᑦ ᐊᒻᒪ ᐋᓐᓂᕋᔭᕐᓂᕐᒥᑦ. ᐃᓕᖅᑯᓯᖃᖅᑎᑦᑎᓂᖅ ᓴᖕᖏᓂᖃᑦᑎᐊᖅᑐᒥᑦ ᐊᑦᑕᓇᑦᑕᐃᓕᒪᓂᕐᒥᑦ ᓯᕗᓪᓕᖅᐹᒥᑦ ᐅᓪᓗᕐᒥᑦ ᐃᖅᑲᓇᐃᔭᕆᐊᖕᖓᖅᑐᖃᓕᖅᑎᓪᓗᒍ ᐃᓚᒋᔭᐅᕗᖅ ᐱᐅᓂᖅᐹᖑᖃᑕᐅᔪᓄᑦ ᖃᓄᖅᑑᕈᑎᓂ ᐃᖅᑲᓇᐃᔭᕐᕕᓐᓂ ᐱᕐᕈᓗᐊᕿᑦᑕᐃᓕᒪᑎᑦᑎᓂᕐᒥᑦ. ᐊᑦᑕᓇᔾᔭᐃᕐᓯᒪᓂᖅ ᑭᒃᑯᑐᐃᓐᓇᑦᓯᐊᓄᑦ ᐃᑉᐱᒋᔭᒐᐅᕗᖅ!

ᐃᓅᓱᒃᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᖅ ᑐᕌᕐᓯᒪᔪᖅ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᓕᓐᓂᐊᖅᑎᑦᑎᔨᓂ ᐃᑲᔪᖅᑐᐃᓗᑎᒃ ᐃᓅᓱᒃᑐᓂ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᓕᓵᖅᑎᓪᓗᒋ, ᑕᖅᑭᒐᓴᖕᓂ ᐃᖅᑲᓇᐃᔭᓕᖅᑎᓪᓗᒋ ᐊᒻᒪ ᐊᕐᕌᒍᓂ ᐃᖅᑲᓇᐃᔭᖅᑎᓪᓗᒋᑦ. ᑕᑯᓂᐊᖅᑐᑎᑦ ᖃᕋᑕᐅᔭᒃᑯᑦ ᐱᓕᕆᔾᔪᑎᑦᓴᓂᑦ, ᐊᑐᐊᒐᕐᓂᑦ, ᐊᒻᒪ ᐃᑲᔫᑎᑦᓴᓂᑦ ᐱᓕᕆᔾᔪᑎᓄᑦ ᐃᑲᔪᕐᓱᐃᔾᔪᑎᑦᓴᓂᑦ ᐱᓕᒻᒪᑦᓴᐅᑎᑦᓴᖏᓐᓂᑦ ᓄᑖᓂᑦ ᐊᒻᒪ ᐃᓐᓇᓵᓂᑦ ᐃᖅᑲᓇᐃᔭᖅᑎᐅᔪᓂᑦ. ᑕᒪᒃᑯᐊ ᐃᑲᔫᑎᑦᓴᑦ ᐱᓕᕆᔾᔪᑎᓂᑦ ᐃᓘᓐᓇᑎᒃ ᑐᕌᒐᖃᖅᑐᑦ ᐊᑑᑎᖃᕐᓂᖏᓐᓂᑦ ᐃᓗᓕᖏᓐᓂᑦ ᐃᖅᑲᓇᐃᔭᕐᕕᓐᓂ ᐊᑦᑕᓇᑦᑕᐃᓕᒪᔾᔪᑎᓂᑦ: ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᑦ, ᐃᖅᑲᓇᐃᔭᕐᕖᑦ ᐊᒻᒪ ᐃᖅᑲᓇᐃᔭᖅᑏᑦ ᐃᑉᐱᒋᔭᒐᖏᑦ ᐱᓕᕆᔾᔪᑎᒍᑦ, ᐅᖃᐅᑎᑦᓴᖏᑦ, ᐊᒻᒪ ᐃᑲᔫᑎᑦᓴᖏᑦ ᐱᓕᕆᔾᔪᑎᓄᑦ ᐅᖃᓕᒫᒐᑦᓴᐃᑦ.

ᐱᓕᕆᕝᕕᒻᒥ ᐱᓗᐊᖅᑐᓂᑦ ᐱᓕᒻᒪᑦᓴᐅᑏᑦ ᑭᖑᕝᕕᖅᑕᐅᔪᓐᓇᖏᑦᑐᑦ, ᑭᓯᐊᓂ ᑕᒪᒃᑯᐊ ᐱᓕᕆᔾᔪᑎᐅᔪᑦ ᐃᑲᔫᑎᐅᔪᓐᓇᖅᑐᑦ ᐱᒋᐊᕈᑎᒋᓂᐊᕐᓗᒋᑦ ᐅᖃᐅᓯᖃᕆᐊᕐᓂᕐᒥᑦ ᐃᖅᑲᓇᐃᔭᕐᕕᓐᓂ ᐊᑦᑕᓇᑦᑕᐃᓕᒪᓂᕐᒥᑦ.