Your health and safety is our number one priority. To help prevent the spread of COVID-19, WSCC offices are closed to visitors. Visit our COVID-19 page for important service updates and to download Risk Assessment and Worksite Precautions for Employers.

ᐊᑐᐊᒐᐃᑦ ᐱᕙᓪᓕᐊᑎᑦᓯᓂᖅ ᐱᓕᕆᔾᔪᓯᖅ

ᐊᑐᐊᒐᐃᑦ ᐱᕙᓪᓕᐊᑎᑦᓯᓂᖅ ᐱᓕᕆᔾᔪᓯᖅ

ᓇᓪᓕᐅᒃᑯᒫᓕᕆᔨᒃᑯᑦ ᐊᐅᓚᑦᓯᔩᑦ ᑲᑎᒪᔨᖏᑦ ᖃᐅᔨᒪᔾᔪᑕᐅᓗᑎᒃ ᐃᓗᓕᖃᐅᑦᓯᐊᖅᑐᓂᑦ ᐊᑐᐊᒐᕐᓂᑦ ᕿᒥᕐᕈᓂᕐᒧᑦ ᐸᕐᓇᓂᕐᒥᑦ ᑐᑭᒧᐊᑦᑎᑦᓯᓲᖑᑦᓱᓂ ᓇᓪᓕᐅᒃᑯᒫᓕᕆᔨᒃᑯᑦ ᐊᑐᐊᒐᖏᓐᓂᑦ ᕿᒥᕐᕈᓂᕐᒥᑦ ᐱᓕᕆᔾᔪᓯᕐᒥᑦ.  

ᐱᔾᔪᑎᒋᔭᖓ ᐃᓗᓕᖃᐅᑦᓯᐊᖅᑐᓂᑦ ᐊᑐᐊᒐᕐᓂᑦ ᕿᒥᕐᕈᓂᕐᒧᑦ ᐸᕐᓇᓂᕐᒥᑦ ᐃᒪᐃᓐᓂᐊᕐᒪ:

•    ᕿᒥᕐᕈᓂᕐᒥᑦ ᐊᑐᓂᑦ ᐊᑐᐊᒐᕐᓂᑦ ᐊᑕᐅᓯᕐᓗᑎᑦ ᐊᕐᕌᒍᐃᑦ ᑕᓪᓕᒪᑦᑕᒫᖅ; 
•    ᓇᓗᓇᐃᖅᓯᓂᕐᒥᑦ ᒪᓕᑦᓯᐊᕋᓗᐊᕐᒪᖔᑕ ᒪᓕᒐᕐᓂᑦ ᑕᒪᐃᓐᓄᓪᓗ ᐊᑐᐊᒐᕐᓂᑦ; ᐊᒻᒪᓗ
•    ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒻᑯᒻᒫᓂᒃᓗ ᖃᐅᔨᓴᖅᑏᑦ ᐊᑐᐊᒐᐃᑦ, ᐱᓕᕆᐊᖃᖕᓂᖕᒧᑦ ᐊᑐᐊᒐᐃᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᑦ ᑎᓕᐅᕆᔾᔪᑎᖏᑦaᐅᓪᓗᒥᒨᖓᒐᓗᐊᖕᒪᖔᖏᑦ ᐊᑐᖕᒪᖔᖏᓪᓗ.


ᓴᖅᑭᑎᑦᓯᓂᕐᒥᑦ ᐋᖅᑭᒋᐊᕆᓂᕐᒥᓪᓘᓐᓃᑦ ᐊᑐᐊᒐᕐᓂᑦ, ᓇᓪᓕᐅᒃᑯᒫᓕᕆᔨᒃᑯᑦ ᒪᓕᖃᑦᑕᖅᑐᑦ ᒪᓕᒋᐊᓕᓐᓂᑦ. 

  1.  ᐱᓕᕆᐊᖑᔪᒥᑦ ᓇᓗᓇᐃᖅᓯᓂᕐᒥᑦ: ᓇᓪᓕᐅᒃᑯᒫᓕᕆᔨᒃᑯᑦ ᐅᔾᔨᕈᓱᓕᖅᐸᑕ ᓄᑖᒥᑦ ᐱᓕᕆᐊᑦᓴᐅᔪᒥᑦ ᐃᓱᒪᒋᔭᖃᖃᑦᑕᖅᑐᖅ ᐱᑕᖃᕇᖅᑐᑦ ᐊᑐᐊᒐᐃᑦ ᑲᑎᑎᑦᓯᒻᒪᖔᑕ ᐱᔭᕆᐊᓕᓐᓂᑦ ᑲᑐᔾᔨᖃᑎᒌᑦ ᐱᖃᖃᑕᐅᔨᕗᓪᓗ, ᐱᔭᕆᐊᖃᖅᒪᖔᑕᓘᓐᓃᑦ ᓄᑖᒥᑦ ᐊᑐᐊᒐᕐᒥᑦ. ​

  2. ᐱᓕᕆᐊᖑᔪᒥᑦ ᓵᖓᓂᕐᒥᑦ: ᓇᓪᓕᐅᒃᑯᒫᓕᕆᔨᒃᑯᑦ ᐃᓗᐊᓂᑦ ᖃᐅᔨᓴᖃᑦᑕᖅᑐᑦ ᐱᔭᕆᐊᖃᕐᓂᐅᔪᓂᑦ, ᐱᓕᕆᐊᑦᓴᐅᔪᕐᓗ ᐱᒻᒪᕆᐅᑉᐸᑦ, ᑐᓂᖃᑦᑕᖅᑕᕗᑦ ᐊᐅᓚᑦᓯᔩᑦ ᑲᑎᒪᔨᖏᓐᓄᑦ ᐃᓱᒪᒋᔭᐅᓂᐊᖅᑎᓪᓗᒍ. ᐊᐅᓚᑦᓯᔩᑦ ᑲᑎᒪᔨᖏᑦ ᐊᐱᕆᒍᓐᓇᖅᑐᑦ ᓇᓪᓕᐅᒃᑯᒫᓕᕆᔨᒃᑯᓐᓂᑦ ᐅᖃᖃᑎᖃᕐᓂᐊᖅᑎᓪᓗᒋᑦ ᓯᓚᑖᓂᑦ ᐱᖃᖃᑕᐅᔪᓂᑦ.  

  3. ᖃᐅᔨᓴᕐᓂᖅ ᕿᒥᕐᕈᑦᓯᐊᕐᓂᓪᓗ: ᓇᓪᓕᐅᒃᑯᒫᓕᕆᔨᒃᑯᑦ ᐃᓚᒋᔭᐅᖃᑦᑕᖅᑐᑦ ᐃᓗᐊᓂᑦ ᓯᓚᑖᓂᓗ ᐱᖃᖃᑕᐅᔪᓂᑦ ᓴᖅᑭᑎᑦᓯᓕᕋᐃᒻᒪᑕ ᐋᖅᑭᒋᐊᕆᓕᕋᐃᒻᒪᑕᓘᓪᓃᑦ ᐊᑐᐊᒐᕐᓂᑦ. ᓇᓪᓕᐅᒃᑯᒫᓕᕆᔨᒃᑯᑦ ᕿᒥᕐᕈᒐᔪᖃᑦᑕᖅᑐᑦ ᐊᑐᐊᒐᕐᓂᑦ ᐊᓯᖏᓐᓂᑦ ᑲᓇᑕᒥ ᐃᖅᑲᓇᐃᔭᖅᑎᓄᑦ ᐃᑲᔫᑎᓕᕆᓂᕐᒧᑦ ᑲᑎᒪᔨᓂᑦ. 
  4. ᐃᓱᒪᒋᔭᐅᓂᐊᖅᑎᓪᓗᒍ ᐊᖏᕐᓂᓪᓗ: ᓇᓪᓕᐅᒃᑯᒫᓕᕆᔨᒃᑯᑦ ᐊᖓᔪᖅᑳᖓ ᑐᓂᓯᖃᑦᑕᖅᑐᖅ ᑎᑎᕋᖅᑕᐅᒋᐊᖓᑦᑐᓂᑦ ᐊᑐᐊᒐᕐᓂᑦ ᐊᐅᓚᑦᓯᔩᑦ ᑲᑎᒪᔨᖏᓐᓄᑦ ᐃᓱᒪᒋᔭᐅᓂᐊᖅᑎᓪᓗᒋᑦ ᐊᖏᖅᑕᐅᓗᑎᓪᓗ.   
  5. ᐃᓗᐊᓂᑦ ᓯᓚᑖᓂᓪᓗ ᑐᓴᐅᒪᖃᑦᑕᐅᑎᓂᖅ: ᓇᓪᓕᐅᒃᑯᒫᓕᕆᔨᒃᑯᑦ ᑐᓂᐅᖅᑲᐃᖃᑦᑕᖅᑐᖅ ᐃᓘᓐᓇᖏᓐᓂᑦ ᓄᑖᓂᑦ ᐋᖅᑭᒋᐊᖅᑕᐅᓯᒪᔪᓂᓪᓘᓐᓃᑦ ᐊᑐᐊᒐᕐᓂᑦ ᐃᖅᑲᓇᐃᔭᖅᑎᓄᑦ, ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑏᑦ ᐊᓪᓚᕝᕕᖓᓐᓄᑦ, ᐅᓐᓂᕐᓗᓐᓂᕐᒧᓪᓗ ᑲᑎᒪᔨᖏᓐᓄᑦ. ᑐᓴᐅᒪᑎᑕᐅᖃᑦᑕᖅᒥᔪᑦ ᐱᖃᖃᑕᐅᔪᑦ ᐊᖅᑯᑕᐅᑦᓱᑎᒃ  ᓇᓪᓕᐅᒃᑯᒫᓕᕆᔨᒃᑯᑦ ᐊᑦᑕᓇᖅᑕᐃᓕᒪᓂᕐᒧᑦ  ᖃᕆᑕᐅᔭᒃᑯᑦ ᐱᕙᓪᓕᐊᔪᑦ, ᐃᑭᐊᖅᑭᕕᕗᑦ, ᐃᓄᓐᓄᑦ ᑐᓴᐅᒪᔾᔪᑎᓕᕆᓂᖅ.