COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect.  ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑐᑦᓯᕋᐅᑏᑦ ᐋᓐᓂᐊᖅᑐᓕᕆᔨᓄᑦ

ᐃᓕᙵᒃᑐᖃᕌᖓᑦ, ᐃᖅᑲᓇᐃᔭᖅᑎ ᑕᑎᖃᓕᕈᓐᓇᕐᒪᑦ ᖃᔅᓯᑲᓪᓚᖕᓂᒃ ᐃᓄᖕᓂᒃ ᑐᓴᐅᒪᑎᑦᑎᔭᕆᐊᖃᖅᐸᒃᖢᓂ ᐱᓇᔫᑎᒃᑯᑦ ᐱᓕᕆᐊᖑᑎᓪᓗᒍ. ᐋᓐᓂᐊᕕᖕᒥ ᐃᓗᐊᖅᓴᐃᔨᐅᒍᕕᑦ, ᐱᓕᕆᐊᒃᓴᖃᕐᔪᐊᕋᔭᕋᕕᑦ ᖃᐅᔨᕙᒡᓗᒋᑦ ᐋᓐᓂᐊᖅᑐᑦ ᐊᑲᐅᙱᓪᓕᐅᕈᑎᒋᕙᒃᑕᖏᑦ, ᖃᐅᔨᓴᖅᑕᐅᔾᔪᓯᖏᓪᓗ, ᑲᒪᒋᔭᐅᔾᔪᑎᒃᓴᖏᓪᓗ ᐋᖅᑭᒃᓲᑎᕙᒡᓗᒋᑦ ᐋᓐᓂᖅᑐᑦ ᐃᖅᑲᓇᐃᔭᖅᑎᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓴᐅᒪᑎᑦᑎᐊᖅᐸᒡᓗᒋᑦ.

ᐅᕙᓂ ᓇᓂᓯᔪᓐᓇᖅᐳᑎᑦ ᑐᑭᓯᒋᐊᒐᒃᓴᓂᒃ ᐃᓕᙵᒃᑐᑦ ᐅᓂᒃᑲᐅᓯᕆᔭᕆᐊᖃᕐᓂᖏᓐᓂᒃ ᐋᓐᓂᐊᕕᖕᒥ ᐃᓗᐊᖅᓴᐃᔨᓄᑦ, ᐊᒻᒪᓗ ᐋᓐᓂᐊᕕᖕᒨᖓᔪᓂᒃ ᑎᑎᕋᕆᐊᓕᖕᓂᒃ ᖃᐅᔨᒪᔾᔪᑎᒋᓗᒋᓪᓗ ᖃᓄᐃᓕᐅᕆᐊᖃᕐᒪᖔᖅᐱᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐱᓕᕆᔾᔪᓯᐊᓄᑦ.

ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᕈᕕᑦ ᐱᓇᔫᑎᓕᕆᓂᐊᖅᑎᓪᓗᑎᑦ, ᐅᕙᑦᑎᓐᓄᑦ ᐅᖄᓚᔪᓐᓇᖅᐳᑎᑦ ᐅᑯᓇᓂ ᓇᓕᐊᖕᓂᑐᐃᓐᓇᖅ ᐊᑭᖃᙱᑦᑐᒃᑯᑦ ᓈᓴᐅᑎᓄᑦ:

ᓄᓇᑦᓯᐊᒥ: 1-800-661-0792
ᓄᓇᕘᒥ: 1-877-404-4407


ᐋᓐᓂᐊᕐᓂᕐᒧᑦ ᐊᑭᓕᐅᑎᒃᓴᑦ ᐊᒻᒪ ᐅᓂᒃᑳᓕᐊᑦ

ᐋᓐᓂᐊᕐᓂᕐᒧᑦ ᐊᑭᓕᐅᑎᒃᓴᑦ ᓇᒡᓯᐅᑎᔭᐅᔪᑐᐊᖑᔭᕆᐊᓖᑦ ᐅᑯᓄᖓ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᖅᑎᓄᑦ WSCCAP ᖃᕋᓴᐅᔭᒃᑯᑦ ᑐᕌᕈᑎᖓᓄᑦ ᐊᕐᕌᒎᑉ ᐃᓗᐊᒍᑦ ᐱᔨᑦᑎᕋᖅᑕᐅᕝᕕᖓᓂ ᐅᕝᕙᓘᓐᓃᑦ ᑲᒪᒋᔭᐅᓚᐅᕐᑎᓪᓗᒍ. ᐋᓐᓂᐊᕐᑐᓕᕆᔨᒃᑯᓐᓂᒃ ᐅᓂᒃᑳ ᖃᕋᓴᐅᔭᒃᑯᑦ ᓇᒡᓯᐅᔾᔭᐅᔭᕆᐊᖃᖅᑐ ᐊᑭᓕᐅᑎᒃᓴᑦ ᐊᓯᐊᒎᖓᓗᑎᒃ ᐅᕗᖓ ᑮᓇᐅᔭᖅᑖᕐᕕᓕᕆᔨᒃᑯᓐᓄᑦ ᐊᒻᒪᓗ ᐃᓚᒋᔭᐅᑎᑕᐅᑐᐃᓐᓇᕆᐊᖃᖅᖢᓂ ᐊᑭᓕᐅᑎᒃᓴᖅ ᑕᒪᒃᑭᕆᐊᖃᕐᐸᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ, ᐅᓇ ᑕᑯᒋᐊᕐᓯᐅᒃ ᐊᐱᖅᑯᑎᐅᓛᖑᕙᒃᑐᑦ ᐊᒻᒪᓗ ᐃᑲᔫᑎᓄᒃ ᑐᑭᒧᐊᕈᑎ ᑭᓇᒥ ᐅᖃᖃᑎᖃᕈᓐᓇᕆᐊᒃᓴᕐᓄᑦ ᐋᓐᓂᐊᕐᓂᕐᒧᑦ ᐊᑭᓕᐅᑎᒃᓴᑦ ᖃᓄᖅ ᐊᐅᓪᓚᖅᑎᒋᐊᖃᕐᓂᖏᓐᓂᒃ.