ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂᑦ ᐊᒻᒪᓗ ᔭᓗᓇᐃᕝᒥᑦ ᒪᑐᓯᒪᔪᑦ ᓇᔫᑎᓗᑎᒃ ᐱᔨᑦᑎᕋᖅᑕᐅᔪᓐᓇᙱᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖅᑐᑦ ᐊᖏᕐᕋᒥᖕᓂᒃ. ᐅᖄᓚᓗᑎᑦ 1 (800) 661-0792 ᑐᕌᖅᑎᑕᐅᓂᐊᖅᐳᑎᑦ ᐱᔨᑦᑎᕋᖅᑎᒧᑦ. ᐅᖃᐅᓯᕆᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᕐᔪᐊᕐᓃᑦ, ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ WSCC Connect.

ᐃᖅᑲᓇᐃᔭᖅᑎᑦᑎᔨᐅᑉ ᐱᔪᓐᓇᐅᑎᖏᑦ ᐱᔭᒃᓴᖏᓪᓗ

ᐃᖅᑲᓇᐃᔭᖅᑎᐅᑎᓪᓗᑎᑦ, ᐱᔭᒃᓴᕆᕙᑎᑦ:

  • ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᑎᑦᑎᓂᖅ;
  • ᐊᑦᑕᕐᓇᖏᒃᑲᓗᐊᕐᒪᖔᑕ ᐊᑐᖅᑕᐅᓲᑦ ᐊᐅᓚᑎᒨᖅᑐᓪᓗ ;
  • ᑲᒪᔨᖃᑦᑎᐊᕐᓗᓂ ᐃᖅᑲᓇᐃᔭᕐᕕᖕᒥᑦ ᒪᓕᒃᑕᐅᒐᓗᐊᕐᒪᖔᑕ ᐊᑦᑕᕐᓇᖅᑕᐅᓕᒪᑎᑦᑎᓇᓱᐊᖃᑦᑕᖅᑐᒥᒃ;
  • ᐃᖅᑲᓇᐃᔭᖅᑎᑦ ᑐᓴᖅᑎᑕᐅᑦᑎᐊᖃᑦᑕᕐᓗᑎᒃ ᐱᔪᓐᓇᐅᑎᑦ ᐱᔭᒃᓴᖏᑦ;
  • ᐃᓕᓐᓂᐊᖅᑎᑦᑎᐊᖃᑦᑕᕐᓂᖅ;
  • ᐃᓕᓐᓂᐊᖅᑕᐅᓗᑎᒃ ᐃᖅᑲᓇᐃᔭᖅᑎᑦ ᖃᓄᑐᐃᓐᓇᖅ ᐊᑦᑕᕐᓇᑐᐃᓐᓇᕆᐊᖃᖅᑐᓂᒃ; ᖃᓄᖅ ᐊᑐᕈᓐᓇᕐᒪᖔᑦ ᐊᑦᑕᕐᓇᖅᑐᖃᖏᓪᓗᓂ, ᑲᒪᒋᔭᖃᕐᓗᓂ, ᐃᓂᖃᕐᓗᓂ ᐊᒻᒪ ᐃᒋᑦᑎᓂᖅ ᐊᑦᑕᕐᓇᖅᑑᔪᑦ; ᖃᓄᕐᓗ ᑐᐊᕕᕐᓇᖅᑐᓂᒃ ᑲᒪᒋᔭᖃᕐᓂᖅ;
  • ᓇᖕᒥᓂᖅ ᓴᐳᒻᒥᔾᔪᑎᓄᑦ ᐊᑐᖅᑎᖃᑦᑕᕐᓗᒋᑦ ᐃᖅᑲᓇᐃᔭᖅᑎᓪᓗ ᖃᐅᔨᒪᒐᓗᐊᕐᒪᖔᑕ ᖃᓄᖅ ᐊᑐᑦᐊᕈᓐᓇᕐᒪᖔᑦ ᐊᑦᑕᕐᓇᖅᑐᒦᖏᓪᓗᑎᒃ ᐊᑐᑦᑎᐊᕐᓗᒋᓪᓗ;
  • ᐃᑲᔪᕐᓗᓂ ᐱᖃᑕᐅᓗᓂᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᔨᕋᓛᓂᒃ;
  • ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᖅᑎᑦᑎᕙᒡᓗᓂ; ᐊᒻᒪ
  • ᐅᓂᒃᑳᓕᐅᖅᐸᒡᓗᓂ ᐃᖅᑲᓇᐃᔭᕐᕕᖕᒥᑦ ᖃᓄᐃᑦᑐᖃᕌᖓᒥᒃ ᐊᒻᒪ ᐋᓐᓂᐊᖅᑐᖃᕌᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ.

ᐃᖅᑲᓇᐃᔭᖅᑎᑦᑎᔨᐅᓗᓂ ᑲᒪᔨᐅᓗᓂᓘᓐᓃᑦ, ᐃᖅᑲᓇᐃᔭᖅᑎᑦ ᐱᖓᓱᓂᒃ ᐱᔪᓐᓇᐅᑎᖏᑦ ᖃᐅᔨᒪᒐᓗᐊᕐᒪᖔ ᖃᓄᕐᓗ ᐱᓕᕆᐊᕆᔪᓐᓇᒪᖔᖏᓐᓄᑦ.

ᐱᔪᓐᓇᐅᑎᖃᖅᐳᑦ ᖃᐅᔨᒪᔭᕆᐊᖃᕐᓂᖏᓄᑦ

ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐊᑦᑕᕐᓇᖅᑐᓂᒃ ᐃᖅᑲᓇᐃᔭᕐᕕᖏᓐᓂᒃ.

ᐱᔪᓐᓇᐅᑎᖃᖅᐳᑦ ᐱᖃᑕᖃᑦᑕᕆᐊᖃᕐᓂᖅ

ᐃᖅᑲᓇᐃᔭᕐᕕᖏᓐᓂᒃ ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐱᖃᑕᐅᖃᑦᑕᕐᓗᑎᒃ ᑐᕌᖓᔪᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ.

ᐱᔪᓐᓇᐅᑎᖃᖅᐳᑦ ᐊᖏᖏᓪᓗᑎᒃ

ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐊᖏᖏᓪᓗᑎᒃ ᐅᒃᐱᕆᔭᐅᒃᐸᑦ ᐊᑦᑕᕐᓇᖅᑐᖃᑐᐃᓐᓇᕆᐊᖃᖅᑎᓪᓗᒍ ᐱᑕᖃᒐᔪᖏᑦᑐᓂᒃ ᐃᖅᑲᓇᐃᔭᕐᕕᖕᓂᒃ. ᓇᕿᓪᓗᒍ ᒫᓂ ᑕᑯᓇᒡᓗᒍ ᐃᖅᑲᓇᐃᔭᕐᕕᖕᒥᑦ ᐊᖏᖏᑦᑐᓐᓇᕐᓂᖅ.