COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect.  ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐅᑎᓐᓂᒻᒧᑦ ᐃᓗᓪᓕᒐᔅᓴᑦ ᐊᔪᕆᑕᐅᔪᔅᓴᓪᓗ ᑖᒃᑯᓄᖓ ᐃᖅᑲᓇᐃᔭᖅᑎᑦᑎᔨᓄᑦ

ᐋᓐᓂᖅᑐᖃᕌᖓᑦ ᐊᔅᓱᕈᓐᓇᓲᖅ ᐊᒻᒪᓗ ᐅᐄᒪᓇᖅᖢᓂ ᑕᒪᐃᓐᓄᑦ ᐃᓚᐅᖃᑕᐅᔪᓄᑦ. ᐃᑲᔪᐃᓇᓱᒃᑐᖅ ᐃᓕᓐᓂᒃ ᐸᓐᓇᐃᓯᒪᓂᒻᒥᒃ, ᑖᒃᑯᐊ ᐸᐃᑉᐹᒃᑯᑦ ᓴᖅᑭᑎᓪᓗᒋᑦ ᐃᓗᓪᓕᖅᓱᕆᐊᓕᖏᑦ ᓯᕗᓂᐊᒍᑦ ᐊᒻᒪᓗ ᐸᓐᓈᕆᓯᒪᓗᒋᑦ ᐃᓚᖃᓪᓗᑎᒃ ᐊᑐᖅᑕᐅᔪᔅᓴᒧᑦ ᒪᓕᒐᕆᓂᐊᖅᑕᖏᓐᓂᒃ ᓇᓗᓇᐃᕆᔪᑦ ᐊᖅᑯᑖᓂᒃ.

ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ.

 

ᐋᖅᑭᒃᓱᐃᔪᑎᑦ ᑎᑎᕋᕐᕕᒃᓴᑦ

ᐊᑑᑎᓖᑦ ᓴᓇᕝᕕᖕᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᒃᓴᑦ ᓇᓗᓇᐃᔭᑦᑎᐊᖅᓯᒪᔭᕆᐊᓖᑦ ᐊᔾᔨᐅᙱᑦᑐᒃᑯᑦ ᖃᓄᐃᓕᐅᕈᑕᐅᔭᕆᐊᓕᖕᓂᒃ ᐱᓕᕆᕝᕕᖕᓄᑦ. ᐅᖃᐅᓯᕆᓗᒋᑦ ᑕᒪᐃᓐᓄᑦ ᐱᓕᕆᔨᓄᑦ ᐋᓐᓂᖅᑐᖃᖅᑳᕋᓂ, ᐊᑐᓕᖅᑎᖅᑕᐅᑲᐅᑎᒋᔪᓐᓇᖁᑉᓗᒋᑦ ᐃᑲᔫᑕᐅᖁᑉᓗᒋᑦ ᓴᓇᔨᓄᑦ ᐅᑎᑲᐅᑎᒋᔪᓐᓇᕐᓂᕐᒧᑦ ᓴᓇᕝᕕᖕᒧᑦ ᐊᑦᑕᓇᖅᑐᖃᙱᑦᑐᒃᑯᑦ ᓈᒻᒪᒃᑐᒃᑯᓪᓗ.