ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᒪᒋᔭᐅᕙᒃᑐᑦ 7-ᓂ ᐃᓄᖕᓄᑦ ᒐᕙᒪᓕᕆᓂᕐᒧᑦ ᑲᑎᒪᔨᓄᑦ. ᒐᕙᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᖃᖅᑐᑦ ᐱᓕᕆᐊᖃᖅᑎᐅᓂᕐᒥᒃ ᐊᒻᒪ ᐊᐅᓚᑦᑎᓂᖅᒥᒃ ᑲᒪᒋᔭᖃᖅᑎᓪᓗᒋᑦ ᐱᓕᕆᔪᓐᓇᕐᓂᖏᑦᑎᒍᑦ ᐊᒻᒪᓗ ᐱᒻᒪᕆᐅᓂᒃᑯᑦ ᐅᑯᓄᖓ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC). ᒐᕙᒪᓕᕆᓂᖅ ᐅᑯᓇᙶᖅᓯᒪᔪᑦ ᐃᓄᖕᓂᑦ ᓄᓇᕗᒥᙶᖅᑐᓂᒃ ᐊᒻᒪᓗ ᓄᓇᑦᓯᐊᖅᒥ, ᐊᒻᒪᓗ ᑭᒡᒐᖅᑐᐃᓪᓗᑎᒃ ᐃᖅᑲᓇᐃᔭᖅᑎᐅᔪᑦ ᐱᔪᒪᕙᒃᑕᖏᓐᓂᒃ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪᓗ ᑭᒃᑯᑐᐃᓐᓇᖅᓄᑦ. ᐃᓚᒋᔭᐅᔪᑦ ᑎᒃᑯᐊᖅᑕᐅᖃᑦᑕᖅᑐᑦ ᓄᓇᑦᓯᐊᕐᒥ ᒥᓂᔅᑕᓄᑦ ᑲᒪᒋᔭᖃᖅᑐᓄᑦ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᐅᖃᖃᑎᖃᖅᓯᒪᓂᒃᑯᑦ ᓄᓇᕗᒥᑦ ᒥᓂᔅᑕᒥ.
ᒐᕙᒪᓕᕆᔨᒃᑯᑦ ᑲᑎᒪᔩᑦ ᑐᑭᒧᐊᕈᑎᖏᑦ ᐊᑐᐊᒐᐅᔪᑦ ᖃᓄᖅ ᒐᕙᒪᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᐊᖃᕆᐊᖃᕐᓂᖏᓐᓂᒃ. ᓇᓗᓇᐃᔭᐃᖅᓯᓯᒪᔪᑦ ᖃᓄᐃᓕᐅᕈᑎᒃᓴᓂᒃ ᑲᒪᒋᔭᒃᓴᓂᓪᓗ ᐅᑯᓄᖓ ᒐᕙᒪᓕᕆᔨᒃᑯᑦ ᑲᑎᒪᔨᓄᑦ ᐊᒻᒪᓗ ᑐᒃᒧᐊᕈᑎᖃᖅᖢᑎᒃ ᑲᑎᒪᔨᒋᔭᖏᓐᓄᑦ.
ᑕᕐᕋᓕᐅᖅᓯᒪᔪᓂᒃ ᒐᕙᒪᓕᕆᔨᒃᑯᑦ ᑲᑎᒪᔾᔪᑎᕕᓂᖏᓐᓂᒃ ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᖃᐅᔨᒋᐊᕐᕕᒋᓗᒋᑦ ᐅᕙᓂ 1 (800) 661-7092, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ.
ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒐᕙᒪᓕᕆᓂᕐᒧᑦ ᑲᑎᒪᔩᑦ
| ᑲᑎᒪᔨᓄᑦ ᐃᓚᒋᔭᐅᔪᑦ |
|---|
 | ᔭᓂ ᐳᕉᔅ, ᐃᒃᓯᕙᐅᑕᖅ ᔭᓂ ᐳᕉᔅ ᔭᓗᓇᐃᒥ ᓄᓇᖃᖅᓯᒪᔪᖅ ᐊᕙᑎᑦ (20) ᐊᕐᕌᒍ ᐅᖓᑖᓂᑦ ᐊᒻᒪᓗ ᐊᕕᒃᑐᖅᓯᒪᓂᒃᑯᑦ ᐊᐅᓚᑦᑎᔨᐅᓪᓗᓂ ᐅᑯᓂᖓ ᒥᑦᕗᐃᐊᔅᑦ ᓇᖕᒥᓂᕆᔭᐅᔪᓄᑦ ᐊᐅᓚᑦᑎᕕᒃᒥᑦ. ᔭᓂ ᑲᑎᒪᔨᐅᖃᑕᐅᓕᒪᔪᖅ ᐃᓚᖃᖅᖢᑎᒃ ᐅᑭᐅᕐᑕᖅᑐᕐᒥᑦ ᐊᑦᑕᓇᖅᑕᐃᓕᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᕐᒥ ᓇᖕᒥᓂᖅ ᐱᓕᕆᐊᓄᑦ ᑲᑎᒪᔨᓄᑦ ᐊᒻᒪᓗ ᓄᓇᑦᓯᐊᕐᒥ ᐳᓚᕋᖅᑐᓕᕆᓂᕐᒧᑦ. ᐃᓚᐅᓯᒪᖕᒥᔪᖅ ᐱᓕᕆᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑲᑐᔾᔨᖃᑎᒌᓂᒃ ᓄᓇᑦᓯᐊᕐᒥ ᒐᕙᒪᒃᑯᓐᓄᑦ, ᑖᒃᑯᐊᓗ ᐃᓚᐅᑎᑦᑎᓯᒪᓪᓗᑎᒃ ᓄᓇᖃᖅᑳᖅᑐᓂᒃ ᐳᓚᕋᖅᑐᓕᕆᓂᕐᒧᑦ ᖃᐅᔨᒪᓂᕐᒧᑦ ᑲᑎᒪᔨᓄᑦ, ᓇᖕᒥᓂ ᐱᓕᕆᐊᓄᑦ ᑲᑎᒪᔨᓄᑦ ᐊᒻᒪᓗ ᐆᒪᔪᓕᕆᓂᕐᒧᑦ ᒪᓕᒐᖅᓂᒃ ᐱᓕᕆᐊᖃᖃᑦᑕᖅᑐᓂᒃ. |
 | ᑳᑎ ᑲᑦᒧᐊ, ᓄᓇᑦᓯᐊᕐᒥ ᐃᖃᓇᐃᔭᖅᑎᖁᑎᓕᖕᓂᑦ ᑭᒡᒐᖅᑐᐃᔨ ᑳᑎ ᓄᓇᖃᖅᓯᒪᔪᖅ ᐅᑭᐅᕐᑕᖅᑐᕐᒥᑦ ᐊᕐᕌᒍᑦ 30 ᐅᖓᑖᓂᒃ. ᑳᑎ ᑮᓇᐅᔭᓕᕆᔨᐅᕙᒃᑐᖅ ᐱᓕᕆᖃᑎᖃᖅᓯᒪᓪᓗᓂ ᐃᒻᒥᒃᑰᖓᔪᓂᒃ, ᑯᐊᐳᕇᓴᓂᒃ, ᐊᒻᒪᓗ ᓄᓇᑦᓯᐊᕐᒥ ᒐᕙᒪᒃᑯᓐᓂᒃ ᐊᒻᒪᓗ ᒐᕙᒪᒃᑯᓐᓄᑦ ᐱᓕᕆᕝᕕᐅᔪᓂᒃ. ᐊᖓᔪᖅᑳᖑᓯᒪᔪᖅ ᑮᓇᐅᔭᓕᕆᔨᒻᒪᕆᖕᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᕐᒥᒃ ᐊᒻᒪ ᓄᓇᕗᒥᑦ, ᑐᑭᒧᐊᖅᑎᑦᑎᔨᐅᓪᓗᓂ ᐃᒃᓯᕙᐅᑕᕆᔭᐅᓪᓗᓂᓗ ᐊᑐᖅᑐᕕᓂᓕᕆᓂᕐᒧᑦ ᑲᑎᒪᔨᓄᑦ ᐅᑯᓂᖓ ᑎᑕᓐ ᓲ ᑯᐊᐳᕇᓴᓐᑯᓐᓄᑦ, ᐊᒻᒪᓗ ᐱᓕᕆᖃᑎᖃᓚᐅᖅᓯᒪᓪᓗᓂ ᐄᕗᕆ ᑰᐳ ᐊᒻᒪ ᑲᒻᐸᓂ ᓄᖅᑲᕐᓂᑰᓪᓗᓂ ᐊᕐᕌᒍᓂ 26-ᓂ ᑖᒃᑯᓴᓃᓚᐅᖅᖢᓂ. |
 | ᔫᓴᕝ ᐅᕼᐆᑲᓐᓄᐊᖅ, ᓄᓇᕗᒻᒥ ᐃᓄᓕᒫᓂ ᐱᔪᒪᔭᐅᔪᓄᑦ ᑭᒡᒐᖅᑐᐃᔨ ᔫᓴᕝ ᓄᓇᖃᖅᑐᖅ ᐃᖅᑲᓇᐃᔭᖅᖢᓂᓗ ᐃᖃᓗᒃᑑᑦᑎᐊᖅ, ᓄᓇᕗᒥᑦ ᐊᒻᒪᓗ ᖃᖓᑦᑎᐊᓵᖅ ᒪᐃᔭᐅᑉ ᑐᒡᓕᕆᓕᓚᐅᕐᓗᓂᐅᒃ ᐃᖃᓗᒃᑑᑦᑎᐊᕐᒥ ᕼᐋᒻᒪᓚᒃᑯᑦ ᑲᑎᒪᔨᖏᓐᓄᑦ. ᔫᓴᕝ ᐃᓚᒋᔭᐅᓯᒪᔪᖅ ᐅᓄᕈᓘᔭᖅᑐᓂᒃ ᐱᕙᓪᓕᐊᒍᑎᐅᔪᓂᒃ ᓄᓇᕗᒥᑦ ᐃᓚᖃᖅᖢᓂ ᐃᖅᑲᓇᐃᔭᖅᓯᒪᓪᓗᓂ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ 1996-ᒥ 2001-ᒧ, ᐊᒻᒪᓗ ᒪᕐᕈᐃᖅᖢᓂ ᒪᐃᔭᒧᑦ ᑐᒡᓕᕆᔭᐅᓯᒪᓪᓗᓂ ᐃᖃᓗᒃᑑᑦᑎᐊᓂᒃ, ᐊᒻᒪ ᐃᖅᑲᓇᐃᔭᖅᓯᒪᓪᓗᓂ ᐱᕙᓪᓕᐊᔪᓕᕆᔨᕐᓪᓗᓂ ᐊᒻᒪ ᐳᓚᕋᖅᑐᓕᕆᔨᐅᓪᓗᓂ ᐊᕕᒃᑐᖅᓯᒪᓂᒃᑯᑦ, ᐊᒻᒪᓗ ᐃᒃᓯᕙᐅᑕᐅᓯᒪᓪᓗᓂ ᓄᓇᕗᑦ ᓯᓚᑐᕐᓴᖅᕕᒃᒧᑦ ᑲᑎᒪᔨᓄᑦ. |
 | ᐲᑕ ᒪᑮ, ᓄᓇᕗᒻᒥ ᐃᓄᓕᒫᓂ ᐱᔪᒪᔭᐅᔪᓄᑦ ᑭᒡᒐᖅᑐᐃᔨ ᐲᑕ ᒪᑮ ᓄᓇᖃᖅᓯᒪᔪᖅ ᐊᒻᒪ ᐃᖅᑲᓇᐃᔭᖅᓯᒪᓪᓗᓂ ᓄᓇᕗᒥᑦ ᐊᕐᕌᒍᑦ 25 ᐅᖓᑖᓂᒃ, ᐊᒻᒪᓗ ᒫᓐᓇ ᐊᐅᓚᑦᑎᔨᐅᓪᓗᓂ ᐅᖅᓱᖅ ᑯᐊᐳᕇᓴᓐᑯᓐᓄᑦ. ᑭᖑᓂᑦᑎᓐᓂᓪᓕ, ᐱᓕᕆᐊᖃᕐᓯᒪᔪᖅ ᓄᓇᑦᓯᐊᕐᒥ ᐆᒻᒪᖅᑯᑎᓕᕆᔨᒃᑯᓐᓄᑦ, ᓄᓇᕗᒥᑦ ᐆᒻᒪᖅᑯᑎᓕᕆᔨᒃᑯᓐᓄᑦ, ᐊᒻᒪᓗ ᐊᖓᔪᖅᑳᖑᓚᐅᕐᓯᒪᓪᓗᓂ ᐊᐅᓚᑦᑎᔨᐅᓪᓗᓂᓗ ᒫᓐᓇᐸᓗᒃ ᓄᑖᙳᖅᑕᐅᓚᑉᓯᒪᔪᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐᑯᓐᓄᑦ. ᐲᑕ ᐱᔨᑦᑎᕋᖅᓯᒪᖕᒥᔪᖅ ᑐᑭᒧᐊᖅᑎᑦᑎᔨᐅᓪᓗᓂ ᐊᒻᒪ ᐃᒃᓯᕙᐅᑕᐅᓪᓗᓂ ᐃᖅᑲᓇᐃᔮᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᑲᑎᒪᔨᓄᑦ, ᐊᒻᒪᓗ ᑐᑭᒧᐊᖅᑎᑦᑎᔨᐅᓂᑰᓪᓗᓂ ᐃᖅᑲᓇᐃᔮᒃᓴᓕᕆᓂᕐᒧᑦ ᑲᓇᑕᒥ ᓄᓇᕗᒥᑦ. |
 | ᐅᕌᐳᑦ ᕗᐃᐊᑭᓐᔅ, ᓄᓇᑦᓯᐊᕐᒥ ᐃᖃᓇᐃᔭᖅᑎᖁᑎᓕᖕᓂᑦ ᑭᒡᒐᖅᑐᐃᔨ ᕼᐃ ᕆᕗᒥ ᓄᓇᖃᖅᖢᓂ ᐊᕐᕌᒍ ᖁᓕᑦ ᐅᖓᑖᓂᒃ, ᐅᕌᐳᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐱᕐᕈᓗᐊᖅᑭᑦᑕᐃᓕᓂᕐᒧᑦ ᐱᓕᕆᔨᐅᔪᖅ ᐅᑯᓄᖓ ᐊᕉᕋ ᐱᓕᕆᖃᑎᒌᑦ ᑲᒻᒪᓂᐅᔪᓂᒃ. ᑭᖑᓂᑦᑎᓐᓂᑦ, ᐱᓕᕆᓯᒪᔪᖅ ᓄᓇᑦᓯᐊᕐᒥ ᒐᕙᒪᒃᑯᓐᓄᑦ, ᕗᐊᑭᓖᓐ ᓄᐊᑕᓐ ᓂᐅᕐᕈᑎᖃᖅᑎᓄᑦ, ᐊᒻᒪᓗ ᓄᐊᑦ ᕕᐊᔅ ᑲᒻᐸᓂᑯᓐᓄᑦ. ᐅᕌᐳᑦ ᐱᔨᑦᑎᕋᖅᓯᒪᔪᖅ ᑲᑎᒪᔨᓂᒃ ᐅᑭᐅᕐᑕᖅᑐᕐᒥ ᐱᕐᕈᓗᐊᖅᑭᑦᑕᐃᓕᓂᕐᒧᑦ ᑲᑐᔾᔨᖃᑎᒌᓄᑦ ᐊᒻᒪᓗ ᒫᓐᓇ ᐃᓚᒋᔭᐅᓪᓗᓂ ᑲᓇᑕᐅᑉ ᓯᒡᔭᖏᓐᓂᒃ ᓴᐳᓐᓂᐊᖅᑎᒃᑯᑦ ᐱᓕᕆᔨᖏᓐᓄᑦ, ᐊᒻᒪᓗ ᖃᐅᔨᓴᖃᑦᑕᖅᑐᓂᒃ ᐅᑭᐅᖅᑕᖅᑐᕐᒥ ᐅᓇᑕᖅᑐᒃᓴᙳᐊᓂᒃ ᐅᑯᓇᓂ ᑲᓇᑕᒥ ᐅᓇᑕᖅᑐᒃᓴᙳᐊᓂᒃ 1CRPG. |
 | ᑎᐅᕆᒃ ᐊᓘᕐᑕᓐ, ᓄᓇᕗᒻᒥ ᐃᖅᑲᓇᐃᔭᖅᑎ ᑭᒡᒐᖅᑐᐃᔨ ᑎᐅᕆᒃ ᐃᖃᓗᒻᒥᐅᑕᐅᓯᒪᔪᖅ 2015−ᒥᓂᑦ ᐊᒻᒪ ᒫᓐᓇᐅᔪᒥᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᖃᐅᔨᒪᑎᑕᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC). ᐱᓯᒪᔭᖓ ᑲᓇᑕᒥ ᐊᑎᓕᐅᖅᑕᐅᓯᒪᔪᑦ ᐊᑦᑕᓇᐃᖅᓯᒪᓂᕐᒧᑦ ᖃᐅᔨᒪᓂᓖᑦ (CRSP) ᓇᓗᓇᐃᖅᑕᐅᓯᒪᔪᖅ 2017 ᐊᒻᒪ ᐃᓚᒋᔭᐅᓯᒪᔪᖅ ᐃᖅᑲᓇᐃᔭᕐᕈᒻᒥ ᐊᑦᑕᓇᐃᖅᓯᒪᓂᕐᒧᑦ ᐊᕙᑎᓂ ᐊᕐᕌᒍᓂᑦ ᐊᔾᔨᒌᖏᑦᑐᓂᑦ ᒐᕙᒪᖃᕐᕕᐅᔪᓂᑦ ᑲᓇᑕᒥ. ᑎᐅᕆᒃ ᐃᔅᓯᕙᐅᑕᐅᔪᖅ ᓄᓇᕗᒻᒥ ᐊᕕᑦᑐᖅᓯᒪᔪᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ ᑲᓇᑕᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ (PSAC) ᐅᑭᐅᑕᖅᑐᒥ, ᐱᖃᓯᐅᔾᔨᔪᑦ ᑲᓇᑕᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂ ᐅᑭᐅᖅᑐᒧᑦ ᐊᕕᑦᑐᖅᓯᒪᔪᒧᑦ ᑲᑎᒪᔨᐅᖃᑕᐅᔪᖅ. ᐃᓚᒋᔭᐅᖃᑕᐅᒻᒥᔪᖅ ᓄᓇᕗᒻᒥ ᑲᓇᑕᒥ ᐃᓅᖃᑎᒌᑦ ᐊᑦᑕᓇᐃᖅᓯᒪᓂᕐᒧᑦ ᓴᓇᓯᒪᔪᓕᕆᔩᑦ (CSSE). |
ᐱᓕᕆᕝᕕᐅᔪᒧᑦ ᓇᓗᓇᐃᔭᐅᑎ
ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC) ᓄᓇᑦᓯᐊᕐᒥᑦ ᐊᒻᒪ ᓄᓇᕗᒥᑦ ᑲᑐᔾᔨᖃᑎᒌᓄᑦ ᐋᖅᑭᒃᓯᒪᔪᖅ
