COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᓪᓚᕕᖕᒐ ᒪᑐᓯᒪᔪᖅ ᐅᐸᒍᑎᔪᒪᔪᓄᑦ ᐱᒋᐊᖅᖢᓂ ᓯᑎᐱᕆ 9, 2021. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ

ᒪᐃ 2-8, 2021

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᒍᑎᖃᕐᓂᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᐃᕐᖏᓐᓈᕈᑎᒃᑰᓂᐊᖅᑐᑦ 2021-ᒥ.

ᑕᒪᑐᒪᓂ ᐊᕐᕌᒍᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔾᔪᑎᖃᓗᐊᖅᑐᑦ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᖅ, ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐊᕐᕌᒍᒧᑦ: ᑕᖃᒪᓂᖅ.

>ᖃᐅᔨᒪᓚᐅᖅᐱᑦ...

  • >ᐃᖅᑲᓇᐃᔭᖅᑏᑦ ᑐᖔᓂ 25 ᐊᕐᕌᒍᓖᑦ ᐊᑦᑕᓇᖅᑐᒦᓐᓂᖅᓴᐅᔪᓐᓇᖅᑐᑦ ᐃᖅᑲᓇᐃᔭᕐᕕᒻᒥ ᐋᓐᓂᖅᑐᓂᑦ. ᒪᒃᑯᑦᑐᑦ ᐃᖅᑲᓇᐃᔭᖅᑏᑦ ᐊᒥᓲᖏᓂᖅᓴᓂᑦ ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᔪᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᓂᕐᒧᑦ. ᖃᐅᔨᒪᖏᑐᐃᓐᓇᕆᐊᓖᑦ ᐊᐱᖅᓱᕐᓗᑎ ᖃᐅᒡᒪᑎᓐᓇᒋᑦ ᖃᓄᐃᓘᕆᐊᖃᖅᑕᖏᓐᓂᑦ ᐃᖅᑲᓇᐃᔮᖓᓂ ᐊᑦᑕᓇᖏᑦᑐᒥᑦ, ᐊᒻᒪ ᓇᓗᓇᐃᖅᓯᒪᔪᓄᑦ ᐱᓕᕆᐊᖑᒋᐊᓕᓐᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᖅ ᐊᑑᑎᖃᖅᑐᑦ ᑐᑭᒧᐊᕈᑎᓂᑦ ᐊᒻᒪ ᑐᑭᓯᒋᐊᕈᑎᓂᑦ ᐃᖅᑲᓇᐃᔭᖅᑎᑦᑎᔪᓄᑦ, ᒪᒃᑯᑦᑐᓂ ᐃᖅᑲᓇᐃᔭᖅᑏᑦ, ᐊᖏᔪᖅᑳᕆᔭᐅᔪᑦ ᐊᒻᒪ ᐃᓕᓐᓂᐊᑎᑦᑎᔩᑦ ᐃᑲᔪᕐᓗᑎ ᒪᒃᑯᑦᑐᓂ ᐃᖅᑲᓇᐃᔭᖅᑎᓂᑦ ᐊᑦᑕᓇᐃᖅᓯᒪᓗᑎ ᐃᖅᑲᓇᐃᔮᖓᓂ.

ᖃᖓ ᑕᖃᖓᓂᖅ ᑕᖃᓗᐊᕐᓂᐅᓇᔭᖅᐸ?

  • ᐃᑉᐱᒍᓱᓐᓂᖅ ᑕᖃᒪᓂᕐᒥᑦ ᐃᖅᑲᓇᐃᔭᕐᕕᒻᒥ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐊᑦᑕᓇᕈᑎᐅᔪᖅ. ᑕᖃᒪᓂᖅ ᖃᓄᐃᓕᑎᑦᑎᔪᓐᓇᖅᑐᖅ ᖃᓄᐃᓕᒋᐊᓂᕐᒥᑦ ᓈᒻᒪᓈᖅᑐᒥᑦ ᐊᒻᒪ ᐃᓱᒪᓕᐅᓂᕐᒥᑦ ᐊᒻᒪ ᐃᖅᑲᓇᐃᔭᕐᕕᒻᒥ ᐱᓂᕐᓗᑎᑦᑎᔪᓐᓇᖅᑐᑦ. ᖃᐅᔨᒋᐊᓂᐊᖅᑲᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᓱᓕᕆᔾᔪᑎᖏᑦ ᖃᐅᔨᔭᐅᓂᖏᓐᓄᑦ ᖃᐅᔨᔭᔅᓴᐅᔪᑦ ᑕᖃᒪᓂᖅ ᐊᒻᒪ ᑕᖃᒪᑎᑦᑎᑦᑕᐃᓕᓂᕐᒥᑦ ᐊᑦᑐᐊᓂᓖᑦ ᐋᓐᓂᖅᑐᓄᑦ ᐃᖅᑲᓇᐃᔭᕐᕕᐅᔪᒥᑦ.

ᐃᓚᒋᔭᐅᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 2021 ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᐃᕐᖏᓐᓈᕈᑎᒃᑯᑦ ᑲᑎᒪᓂᐅᔪᑦ

ᐱᓕᕆᔨᕗᑦ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᑦ ᖃᐃᖅᑯᔨᔪᑦ ᐅᖃᐅᓯᖃᕐᓗᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᖅ, ᐱᖃᓯᐅᑎᓪᓗᑎ ᐊᑭᖃᖏᑦᑐᑦ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᒃᑯᑕᖅ ᐃᓕᓐᓂᐊᓂᕐᒧᑦ ᐊᒻᒪ ᑕᖃᒪᓂᕐᒧᑦ ᐃᖅᑲᓇᐃᔭᕐᕕᒻᒥ ᐊᔪᕈᑕᐅᔪᑦ. ᐱᕕᔅᓴᖅᑕᖃᓂᐊᖅᑐᖅ ᐊᐱᖅᑯᑎᔅᓴᓄᑦ ᐊᒻᒪ ᐅᖃᐅᓯᖃᓂᕐᒧᑦ.

ᐊᑐᐃᓐᓇᐅᔪᖅ ᐃᕐᖏᓐᓈᕈᑎᒃᑯᑦ ᑲᑎᒪᓂᐅᔪᑦ:

  • ᓄᓇᑦᓯᐊᖅ: ᕿᑎᖅᑰᖅ, ᒪᐃ 6 11ᐅᓪᓛᒃᑯᑦ-12ᐅᓐᓄᓴᒃᑯᑦ

ᖃᐅᔨᒋᐊᕐᕕᒋᖃᑦᑕᖅᑎᒍᑦ ᐅᕘᓇ ᕙᐃᔅᐳᒃ ᐊᒻᒪ ᑐᐃᑐ ᐱᔭᔅᓴᐅᓂᖏᓐᓄᑦ ᑭᓱᓕᕆᔾᔪᑏᑦ, ᐃᑲᔪᕈᑏᑦ ᐊᒻᒪ ᐊᑑᑎᖃᖅᑐᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᑦ. ᐊᐱᖅᑯᑎᔅᓴᖃᕈᕕᑦ, ᐅᕝᕙᓘᓐᓃᑦ ᐅᖃᖃᑎᖃᕈᒪᒍᕕᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᑎ, ᐅᕙᑦᑎᓐᓄᑦ ᖃᐅᔨᒋᐊᕆᑦ ᐅᓪᓗᒥ.