ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᓕᕆᖃᑎᒌᖕᓂᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓕᓴᖅᓯᕗᑦ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔭᕆᐊᖃᕐᓂᖓᓂ ᑲᑐᔾᔨᖃᑎᒌᖕᓂᐅᔪᒥ. ᐆᒧᖓ ᐱᔾᔪᑎᖓᓄᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓯᖃᑎᖃᖅᐳᑦ ᐱᓕᕆᖃᑎᖃᕐᓂᕐᒥ ᓇᖕᒥᓂᖃᖃᑕᐅᔪᓂᑦ ᖁᕝᕙᖅᓴᐃᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑕᐅᑐᕐᕉᒐᖓᓂ, ᑐᕌᒐᒃᓴᑦ, ᐊᒻᒪᓗ ᐅᒃᐱᕆᔭᕗᑦ ᐊᒻᒪᓗ ᑲᑐᔾᔨᖃᑎᒌᖑᔪᑦ ᐸᕐᓇᐃᓂᕐᒧᑦ ᐊᑐᖅᑕᐅᔪᒪᔪᓂᒃ ᑐᕌᒐᒃᓴᓂᒃ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᖃᑎᒋᔭᖏᓐᓂ ᑲᑐᔾᔨᖃᑎᒌᖑᔪᑦ

ᐅᑭᐅᖅᑕᖅᑐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖏᓐᓂᑦ (NSA)

ᐅᑭᐅᖅᑕᖅᑐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖏᓐᓂᑦ ᑮᓇᐅᔾᔭᒃᓴᓂᐅᙱᓚᖅ ᑲᑐᔾᔨᖃᑎᒌᖑᔪᓂ ᐊᑐᐃᓐᓇᖃᖅᑎᑦᑎᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᒻᒪᒃᓴᐃᓂᕐᒥ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᖁᑎᓕᖕᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᑦᓯᐊᕐᒥ

ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᑦᓯᐊᕐᒥ ᑎᑎᕋᖅᑕᐅᓯᒪᓪᓗᓂ ᑮᓇᐅᔭᓂᒃ ᐱᕈᖅᓴᐃᓂᕐᒧᑦ ᑐᕌᒐᒃᓴᖃᖅᖢᓂ ᖁᕝᕙᖅᓴᐃᓂᕐᒧᑦ ᐃᖅᑲᓇᐃᔮᕆᔭᐅᔪᒪᔪᓄᑦ ᐊᔪᙱᓐᓂᐅᔪᓄᑦ ᐱᓕᕆᐊᖑᔪᓂ ᐊᒻᒪ ᓄᑖᙳᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᓄᑦ ᐅᑭᐅᖅᑕᖅᑐᒧᑦ ᒪᒃᑯᒃᑐᓄᑦ. ᐊᔪᙱᓐᓂᐅᔪᓄᑦ ᓄᓇᑦᓯᐊᖅ ᐱᓇᓱᐊᓲᖑᕗᑦ ᐆᒥᖓ ᑐᕌᒐᒃᓴᖓᓂ ᐅᕘᓇ ᓄᓇᓕᖕᓂ−ᑐᙵᕕᓕᖕᓂ ᐊᔪᙱᓐᓂᐅᔪᓄᑦ ᑲᑎᙵᓂᐅᔪᓂ, ᒪᒃᑯᒃᑐᓂ ᑲᑎᒪᓂᐅᔪᓂ, ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᓂᑦ, ᐊᒻᒪᓗᑦᑕᐅᖅ ᐊᓯᖏᓐᓂ ᖃᓄᐃᓕᐅᕐᓂᐅᔪᓂ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐱᓕᕆᐊᕆᔭᐅᔪᓄᑦ ᐊᒻᒪᓗ ᓄᑖᙳᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᓄᑦ.

ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᕗᑦ

ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᕗᑦ ᑮᓇᐅᔾᔭᒃᓴᒐᓱᐊᙱᓐᓂᐅᓪᓗᓂ ᑲᑐᔾᔨᖃᑎᒌᖑᕗᖅ ᐱᓕᕆᔪᓂ ᐃᓕᓯᒃᑲᓐᓂᕋᓱᐊᖅᖢᑎᒃ ᐊᔪᙱᓐᓂᐅᔪᓄᑦ ᐱᓕᕆᐊᖑᔪᓄᑦ ᐊᒻᒪ ᓄᑖᙳᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᓄᑦ ᓯᕗᓪᓕᖅᐸᐅᓪᓗᓂ ᓂᕈᐊᒐᒃᓴᐅᓪᓗᓂ ᐃᖅᑲᓇᐃᔮᕆᔪᒪᔭᒥᖕᓄᑦ ᓂᕈᐊᒐᒃᓴᐅᔪᒥ ᓄᓇᕗᒻᒥ ᒪᒃᑯᒃᑐᓄᑦ. ᐱᓕᕆᖃᑎᖃᕐᓂᕐᒥ ᓄᓇᕗᒻᒥ ᐊᒻᒪ ᒐᕙᒪᑐᖃᒃᑯᓐᓂ, ᐃᓕᓐᓂᐊᕐᕖᑦ ᐊᒻᒪ ᓄᓇᓕᐅᔪᑦ, ᓴᓇᔨᕐᔪᐊᓄᑦ ᖃᐅᔨᒪᔨᕐᔪᐊᖑᔪᓄᑦ ᐊᒻᒪ ᐃᓕᓴᐃᔨᐅᔪᓄᑦ, ᑲᑐᔾᔨᖃᑎᒌᕗᑦ ᐃᑲᔪᖅᐳᑦ ᐃᓱᒪᑐᓂᕐᒥ ᑭᐅᓂᕐᒧᑦ ᓄᓇᕘᑉ ᐱᔭᕆᐊᓕᖏᓐᓂ ᓴᙱᔪᓄᑦ ᐊᔪᙱᓐᓂᓕᖕᓄᑦ ᐃᖅᑲᓇᐃᔭᖅᑎᐅᔪᓂ.

ᑐᒃᓯᕋᕐᓂᖅ ᐱᓕᕆᖃᑎᒌᖕᓂᐅᔪᒥ

ᑕᒪᒃᑭᑦ ᐱᓕᕆᖃᑎᒋᔭᐅᔪᓐᓇᖅᑐᑦ ᓇᖏᕐᓂᖃᑦᑎᐊᕆᐊᖃᖅᐳᑦ ᐅᑯᓇᓂ:

ᓇᓂᓯᒃᑲᓐᓂᕈᓐᓚᖅᐳᑦ ᑐᒃᓯᕋᕐᓂᕐᒥ ᐱᓕᕆᖃᑎᖃᕐᓂᕐᒥ ᐊᒻᒪᓗ ᐊᖏᖅᑕᐅᓂᖓᓄᑦ ᐱᓕᕆᓂᐅᔪᒥ ᐅᕙᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖅ 00.09 ᐱᓕᕆᖃᑎᖃᕐᓂᐅᔪᒥ.